சேனைத்தமிழ் உலா
சேனைத் தமிழ் உலா உங்களை அன்போடு வரவேற்கிறது
சேனையில் உங்களைப் பதிவுசெய்து உங்கள் பொன்னான கருத்துக்களை எங்களுடன் பகிர்ந்து கொள்ளுங்கள்.

இப்படிக்கு சேனை நிர்வாகம்.
சேனைத் தமிழ் உலா on facebook




Latest topics
» பிளாஸ்டிக் பையால் முகத்தை மூடிய நடிகை
by rammalar Sat 16 Jun 2018 - 17:37

» ரஜினியின் ‘காலா’- சினிமா விமரிசனம்
by rammalar Sat 16 Jun 2018 - 17:33

» சவுதி அரேபியாவில் வெளியாகியுள்ள முதல் இந்தியப் படம் - காலா!
by rammalar Sat 16 Jun 2018 - 17:25

» ஜேம்ஸ்பாண்ட் நடிகை கேசன் மரணம்
by rammalar Sat 16 Jun 2018 - 17:22

» அழுத்தமான காதல் காட்சிகளில் நடிப்பது ஒரு சவால்” நடிகை சுபிக்‌ஷா சொல்கிறார்
by rammalar Sat 16 Jun 2018 - 17:21

» சினி துளிகள்!
by rammalar Sat 16 Jun 2018 - 17:19

» ஜெய்ப்பூர் கோட்டையில் ரஜினிகாந்துக்கு மெழுகு சிலை
by rammalar Sat 16 Jun 2018 - 17:18

» காலா படத்துக்கு கூடுதல் கட்டணம் வசூல்: தமிழக அரசு பதிலளிக்க உத்தரவு
by rammalar Sat 16 Jun 2018 - 17:17

» 13 வருடங்களில் சாதனை : 63-வது படத்தில் நடிக்கும் நயன்தாரா
by rammalar Sat 16 Jun 2018 - 17:14

» ஷகிலா படத்துக்கு தணிக்கை குழு தடை
by rammalar Sat 16 Jun 2018 - 17:13

» இருவர் ஒப்பந்தம் – சினிமா
by rammalar Sat 16 Jun 2018 - 17:09

» இனிய காலை வணக்கம்....
by rammalar Sat 16 Jun 2018 - 17:06

» பௌர்ணமிக்கு உகந்த நாட்கள்
by rammalar Sat 16 Jun 2018 - 10:54

» கன்றை இழந்த வாழை
by பானுஷபானா Thu 14 Jun 2018 - 9:34

» பேச்சுக்கு இலக்கணம் என்பது உண்டா?
by பானுஷபானா Mon 11 Jun 2018 - 13:51

» மண்ணுக்கல்ல பெண் குழந்தை - கவிதை
by பானுஷபானா Fri 8 Jun 2018 - 10:59

» அறிவியல்....(கவிதை)
by பானுஷபானா Tue 5 Jun 2018 - 12:29

» கவிப்புயலின் கஸல்கள்
by கவிப்புயல் இனியவன் Mon 4 Jun 2018 - 11:59

» பொண்டாட்டியோட தினம் சண்டைப்பா...!!
by பானுஷபானா Wed 23 May 2018 - 12:36

» ஒரேயொரு ரிவர்ஸ் கியர்தானே வெச்சிருக்காங்க...!!
by பானுஷபானா Mon 21 May 2018 - 12:14

» குறைந்த உடையுடன் நடிகை நடிக்கறங்க...!!
by rammalar Fri 18 May 2018 - 14:48

» ரொம்ப ஹை பட்ஜெட் படமாம்...!!
by rammalar Fri 18 May 2018 - 14:43

» நீ கண் சிமிட்டினால்: ரெத்தின.ஆத்மநாதன்
by பானுஷபானா Fri 18 May 2018 - 13:27

» சமூகக் குற்றம்: கவிஞர்.மா.உலகநாதன்
by rammalar Sun 13 May 2018 - 18:01

» காற்றை சிறைபிடித்தது பலூன்!
by rammalar Sun 13 May 2018 - 17:59

» முகம் புதைத்தபோது! - கவிதை
by rammalar Sun 13 May 2018 - 17:57

» அப்படித்தான் நானும்! - கவிதை
by rammalar Sun 13 May 2018 - 17:56

» எச்சரிக்கைப் பலகை!
by rammalar Sun 13 May 2018 - 17:55

» பேருந்து
by rammalar Sun 13 May 2018 - 17:54

» மண்டபங்கள் - கவிதை
by rammalar Sun 13 May 2018 - 17:53

» சௌம்யா மோகன் கவிதைகள்
by rammalar Sun 13 May 2018 - 17:52

» கவிதைப் பூங்கா - தொடர் பதிவு
by rammalar Sun 13 May 2018 - 17:50

» ஞாபகம் - கவிதை
by rammalar Sun 13 May 2018 - 17:48

» மந்திரக்குரல் - கவிதை
by rammalar Sun 13 May 2018 - 17:46

» ரசித்த கவிதைகள் - தொடர் பதிவு
by rammalar Sun 13 May 2018 - 17:46

.

நஞ்சுபுரம் - Nanjupuram

Go down

Sticky நஞ்சுபுரம் - Nanjupuram

Post by நண்பன் on Fri 29 Jul 2011 - 2:00



பாம்புகளை பார்த்தால் படையே நடுங்கும் என்று சொல்வார்கள். அப்படிப்பட்ட பாம்பு படையே இருக்கும் ஒரு ஊரில் நடக்கும் படபட சம்பவங்களே நஞ்சுபுரத்தின் கதை.
நஞ்சுபுரம் என்று ஒரு கிராமம். மலைகளால் சூழப்பட்ட அந்த கிராமத்தில், பாம்புகள் நடமாட்டம் அதிகமாக இருக்கிறது. அந்த கிராமத்தை சேர்ந்த பண்ணையார் மகன் ராகவ், ஒரு குழந்தையை காப்பாற்றுவதற்காக பாம்பை அடித்துக் கொல்கிறார். அவரை, நாகதோஷம் பற்றிக்கொண்டதாக பயமுறுத்துகிறார்கள்.
ராகவ்வுக்குக்கும், தாழ்த்தப்பட்ட வகுப்பை சேர்ந்த மோனிகாவுக்கும் இடையே காதல் துளிர் விடுகிறது. மோனிகாவை கொத்த வந்த இன்னொரு பாம்பை, ராகவ் செருப்பால் மிதித்து நசுக்குகிறார். அந்த பாம்பை அடிப்பதற்குள், அது தப்பி ஓடிவிடுகிறது.
அடிபட்ட பாம்பு, நாற்பது நாட்களுக்குள் அதை அடித்தவனை கடிக்காமல் விடாது என்று பயமுறுத்துகிறார்கள். பாம்பு வைத்தியர் ஆலோசனையின் பேரில், நான்கு தூண்கள் கட்டி அதன் மீது குடில் அமைத்து, ராகவை பாதுகாப்பாக வைக்கிறார்கள். இதற்கிடையில், மோனிகாவுக்கு வேறு ஒரு மாப்பிள்ளையுடன் திருமணம் நிச்சயிக்கிறார்கள். விடிந்தால் திருமணம் என்கிற நிலையில், ராகவ்வுக்கு அது நாற்பதாவது நாள். அன்று இரவு கழிந்துவிட்டால், பாம்பிடம் இருந்து அவர் தப்பிவிடலாம் என்கிற நிலை. ராகவ் உயிருக்கு பயந்து காதலை கைவிட்டாரா அல்லது காதலுக்காக உயிரை விட்டாரா? என்பது மீதிக்கதை.
வெறியா..? அல்லது பாம்புகள் பற்றிய நம்பிக்கைகளும் பயமுமா என்ற கேள்வியை பார்வையாளன் மனதில் மறைமுகமாக எழுப்பும் திரைக்கதையின் நேர்த்தியும், உள்ளடக்கமும், நஞ்சுபுரத்தை ஒரு படைப்பாக்குகிறது. ஒரு புரட்சிகரமான அல்லது கலகம் நிறைந்த திரைக்கதை எத்தனை குறைந்த செலவில் படமாக்கப்பட்டிருந்தாலும் அதன் உள்ளடக்கமே பார்வையாளனை தீண்டும் என்பதற்கு நஞ்சுபுரம் நல்ல முன்னுதாரணம்.
பங்கரைத் தலையுடன் சுற்றி வரும் ராகவ்வுக்கு இதுவொரு நல்ல ஆரம்பம். ஊருக்குள் தைரியமாக சுற்றி வரும்போதும் மோனிகாவைக் கரெக்ட் செய்யும் காட்சிகளிலும் கடைசியில் பயத்தால் நடுங்கி சாகும்போதும் நீட்டாகச் செய்திருக்கிறார்.
மோனிகாவுக்கு இந்த படத்திலும் அழுகாச்சி கேரக்டர்தான். ஆனால் அதிலேயும் கூட விதவிதமான சோகங்கள் காட்டி வியக்க வைக்கிறார். அம்மாவை 'சைடில்' வைத்திருக்கும் தம்பி ராமைய்யாவுக்கு தன் கையாலேயே சைட் டிஷ் தயாரித்து தர வேண்டியிருக்கிறதே என்கிற ஆத்திரத்தையும், இயலாமையும் அற்புதமாக வெளிப்படுத்துகிறார் ஒரு காட்சியில்! தனக்கு திருமணம் என்பதை பரணில் இருக்கும் ஹீரோவுக்கு செய்கையாலேயே உணர்த்தி தவிக்கிற வேறொரு காட்சி பரிதாபம்! நல்லவேளை... பாடல் காட்சியிலாவது சிரிக்க விட்டார்கள் இவரை.
வில்லனாகத் தம்பி ராமையா. 'மைனா'வுக்கு முன் ஒத்துக்கொண்ட படம் போல அவரும் இருக்கிறார் அவ்வளவே. மற்றபடி கடைசி காட்சியில் மோனிகாவுக்கு உதவி செய்யும் திருடனாக வருபவர் ஒருவரை நடிகர்களில் குறிப்பிட்டு சொல்லலாம்.
நாகதோஷம் இருக்கும் ஒருவனை பாம்பு கடித்து கண்ணாமுழியைப் பிடுங்கி கொலை செய்யும் முதல் காட்சியிலேயே இது வேறு மாதிரியான முயற்சி என்பதை சொல்லி விடுகிறார்கள். ஆனால் இது திகில் படமா, காதல் படமா, இல்லை சாதி சார்ந்து பேசும் படமா என பல விஷயங்களைப் போட்டுக் குழப்பி அடித்திருப்பதுதான் சிக்கல். முதல் பாதியில் ராகவ், மோனிகா காதலைச் சொல்லி பாம்பு தப்பித்து ராகவ்வை பரணில் ஏற்றுவதுவரை ஓகே. ஆனால் இடைவேளைக்குப் பின்னரும் அதே ரீதியிலான காட்சிகள் தொடர்ந்து வருவதும் கடைசி பதினைத்து நிமிடங்களில்தான் ராகவ்வுக்கு பயம் வருவது போலவும் திரைக்கதை அமைத்திருப்பது ரொம்பவே பொறுமையைச் சோதிக்கிறது.
இந்த கம்ப்யூட்டர் யுகத்தில், ஒருவனை கொல்வதற்கு ஒரு பாம்பு வஞ்சம் வைத்து துரத்துவது, காதில் முழம் கணக்கில் சுற்றப்படும் பூ. ராகவ் மிதித்த அதே பாம்பு மலைப்பிரதேசத்தில் அவரை துரத்துவது திகிலாக இருந்தாலும், நம்பமுடியாத காட்சி.
கதைநாயகி மோனிகாவின் அம்மாவை ஒரு கசாப்புக் கடை பெண்ணாக காட்சிப்படுத்திய வகையிலும், பாம்புகள் நிறைந்த காட்டில் ஆரோக்கியமாக வாழும் காதல் மனம் படைத்த திருடன், பூரான் கடித்து சாகும் போராளி என கதாபாத்திர ரீதியான கட்டுடைப்புக்கள் தமிழ் ரசிகனுக்கு புதிய அனுபவம்.
இடைவேளைக்குப்பின், தம்பி ராமையாவின் காமப்பார்வை மோனிகா பக்கம் திரும்புவது; மோனிகாவுக்கு கட்டாய திருமணம்; பாம்புக்கு பயந்து ராகவ் குடிலை விட்டு இறங்காமல் இருப்பது என காட்சிகள் அடுத்தது என்ன? என்ற எதிர்பார்ப்பை ஏற்படுத்துகின்றன. படத்தின் முடிவில், அந்த குட்டிப்பையன் கம்பை எடுத்து பாம்பை அடிக்கிற காட்சியில், தியேட்டர் அதிர்கிறது.
நடிப்பைப் போலவே ராகவ்வின் மற்றுமொரு ஆச்சர்யகரமான பங்களிப்பு இசை. பாம்பு படத்திற்கான மரபார்ந்த வாத்தியங்கள், மெட்டுக்களை, (மகுடி, முக்கியமாக புன்னாகவராளி) முற்றாக தவிர்த்திருப்பது படத்தை நவீனப்படைப்பாக்கி விடுகிறது. எல்லா பாடல்களுமே சூழ்நிலைக்கான தெரிவுகளாக ஃப்ரெஷ்ஷாக இருக்கின்றன. ராகவ் நினைத்தால் ஒரு முன்னணி இசையமைப்பாளராகவும் மிளிர முடியும் என்பதற்கு சாட்சிகளாக இருக்கின்றன.
ஆண்டனியின் ஒளிப்பதிவில் ஒவ்வொரு காட்சிகளும் நம்மை பயமுறுத்தியிருக்கிறது. அதுவும் பாம்பின் ஆக்ரோஷமான தாக்குதல் காட்சியை க்ளோஷப்பில் காண்பித்து நல்ல பாம்பை கூட அனகோண்டா பாம்பாக மாற்றியிருக்கிறது இவருடைய கேமரா.
திரைக்கதை அமைத்து இயக்கி இருப்பவர் சார்லஸ். கண்டிப்பாக இலக்கியப் பரிச்சயம் உள்ள மனிதராக இருப்பார் என நினைக்கிறேன். பயம்தான் விஷம் என்கிற விஷயத்தைக் கொண்டு போயிருக்கும் விதம் அழகு. ஐந்தறிவு உள்ள மிருகம் கூட சத்தியத்துக்குக் கட்டுப்பட்டு இருக்கிறது ஆனால் மனிதனுக்குள் இருக்கும் மிருகம்? இதுதான் படம் எழுப்பும் அடிப்படைக் கேள்வி. ஆனால் எத்தனை பேரை இது சரியாகப் போய் சேரும் என்று தெரியவில்லை. கடைசியில் சோகமாக முடித்தால்தான் படம் ஹிட்டு என்கிற வலைக்குள் மனுஷன் விழுந்ததும் ஏன் என்று புரியவில்லை. காதல் காட்சிகளைக் கொஞ்சம் குறைத்து திகில் காட்சிகளை இன்னும் கூட்டி இருந்தால் படத்தின் டெம்போ நன்றாக இருந்திருக்கும். இருப்பினும் இது ஒரு நல்ல முயற்சி என்கிற வகையில் இயக்குநருக்குப் பாராட்டுகள்.
நஞ்சுபுரம் - திகில்புரம்


நட்பு இல்லாத வாழ்க்கை சூரியன் இல்லாத வானம் போன்றது.
avatar
நண்பன்
தலைமை நடத்துனர்

பதிவுகள்:- : 93878
மதிப்பீடுகள் : 5481

Back to top Go down

Back to top


 
Permissions in this forum:
You cannot reply to topics in this forum