சேனைத்தமிழ் உலா
சேனைத் தமிழ் உலா உங்களை அன்போடு வரவேற்கிறது
சேனையில் உங்களைப் பதிவுசெய்து உங்கள் பொன்னான கருத்துக்களை எங்களுடன் பகிர்ந்து கொள்ளுங்கள்.

இப்படிக்கு சேனை நிர்வாகம்.
சேனைத் தமிழ் உலா on facebook




Latest topics
» காற்றை சிறைபிடித்தது பலூன்!
by பானுஷபானா Tue 10 Jul 2018 - 15:36

» அப்படித்தான் நானும்! - கவிதை
by பானுஷபானா Tue 10 Jul 2018 - 15:34

» செல்வம் (எங்கள் பிளாக்கில் வெளியானது)
by பானுஷபானா Wed 4 Jul 2018 - 12:44

» ரொம்ப ஹை பட்ஜெட் படமாம்...!!
by பானுஷபானா Fri 29 Jun 2018 - 14:46

» ஞாபகம் - கவிதை
by பானுஷபானா Sat 23 Jun 2018 - 14:49

» பிளாஸ்டிக் பையால் முகத்தை மூடிய நடிகை
by பானுஷபானா Thu 21 Jun 2018 - 10:47

» கவிப்புயலின் கஸல்கள்
by கவிப்புயல் இனியவன் Wed 20 Jun 2018 - 16:17

» ரஜினியின் ‘காலா’- சினிமா விமரிசனம்
by rammalar Sat 16 Jun 2018 - 17:33

» சவுதி அரேபியாவில் வெளியாகியுள்ள முதல் இந்தியப் படம் - காலா!
by rammalar Sat 16 Jun 2018 - 17:25

» ஜேம்ஸ்பாண்ட் நடிகை கேசன் மரணம்
by rammalar Sat 16 Jun 2018 - 17:22

» அழுத்தமான காதல் காட்சிகளில் நடிப்பது ஒரு சவால்” நடிகை சுபிக்‌ஷா சொல்கிறார்
by rammalar Sat 16 Jun 2018 - 17:21

» சினி துளிகள்!
by rammalar Sat 16 Jun 2018 - 17:19

» ஜெய்ப்பூர் கோட்டையில் ரஜினிகாந்துக்கு மெழுகு சிலை
by rammalar Sat 16 Jun 2018 - 17:18

» காலா படத்துக்கு கூடுதல் கட்டணம் வசூல்: தமிழக அரசு பதிலளிக்க உத்தரவு
by rammalar Sat 16 Jun 2018 - 17:17

» 13 வருடங்களில் சாதனை : 63-வது படத்தில் நடிக்கும் நயன்தாரா
by rammalar Sat 16 Jun 2018 - 17:14

» ஷகிலா படத்துக்கு தணிக்கை குழு தடை
by rammalar Sat 16 Jun 2018 - 17:13

» இருவர் ஒப்பந்தம் – சினிமா
by rammalar Sat 16 Jun 2018 - 17:09

» இனிய காலை வணக்கம்....
by rammalar Sat 16 Jun 2018 - 17:06

» பௌர்ணமிக்கு உகந்த நாட்கள்
by rammalar Sat 16 Jun 2018 - 10:54

» கன்றை இழந்த வாழை
by பானுஷபானா Thu 14 Jun 2018 - 9:34

» பேச்சுக்கு இலக்கணம் என்பது உண்டா?
by பானுஷபானா Mon 11 Jun 2018 - 13:51

» மண்ணுக்கல்ல பெண் குழந்தை - கவிதை
by பானுஷபானா Fri 8 Jun 2018 - 10:59

» அறிவியல்....(கவிதை)
by பானுஷபானா Tue 5 Jun 2018 - 12:29

» பொண்டாட்டியோட தினம் சண்டைப்பா...!!
by பானுஷபானா Wed 23 May 2018 - 12:36

» ஒரேயொரு ரிவர்ஸ் கியர்தானே வெச்சிருக்காங்க...!!
by பானுஷபானா Mon 21 May 2018 - 12:14

» குறைந்த உடையுடன் நடிகை நடிக்கறங்க...!!
by rammalar Fri 18 May 2018 - 14:48

» நீ கண் சிமிட்டினால்: ரெத்தின.ஆத்மநாதன்
by பானுஷபானா Fri 18 May 2018 - 13:27

» சமூகக் குற்றம்: கவிஞர்.மா.உலகநாதன்
by rammalar Sun 13 May 2018 - 18:01

» முகம் புதைத்தபோது! - கவிதை
by rammalar Sun 13 May 2018 - 17:57

» எச்சரிக்கைப் பலகை!
by rammalar Sun 13 May 2018 - 17:55

» பேருந்து
by rammalar Sun 13 May 2018 - 17:54

» மண்டபங்கள் - கவிதை
by rammalar Sun 13 May 2018 - 17:53

» சௌம்யா மோகன் கவிதைகள்
by rammalar Sun 13 May 2018 - 17:52

» கவிதைப் பூங்கா - தொடர் பதிவு
by rammalar Sun 13 May 2018 - 17:50

» மந்திரக்குரல் - கவிதை
by rammalar Sun 13 May 2018 - 17:46

.

சிறிலங்காவில் தமிழருக்கு ஆபத்து இல்லை! கனடாவின் புதிய கொள்கை - அனலை நிதிஸ் ச. குமாரன்

Go down

Sticky சிறிலங்காவில் தமிழருக்கு ஆபத்து இல்லை! கனடாவின் புதிய கொள்கை - அனலை நிதிஸ் ச. குமாரன்

Post by நண்பன் on Sat 15 Jan 2011 - 14:56

முப்பதாண்டு கால ஈழத் தமிழரின் ஆயுதப்போரின் வரலாற்றில் விடுதலைப்புலிகளை சாடிவந்த நாடுகளில் கனடாவும் ஒன்று. தொடர்புகள் எதனையும் புலிகளிடம் வைத்திருந்ததில்லை என்று கூறினால் தான் புகலிடம் அளிக்கப்படும் என்ற கொள்கையுடைய நாடுதான் கனடா.
புலிகளின் வன்முறையினால் தப்பி கனடா வந்ததாகக் கூறினால்தான் புகலிடம் கிடைக்கும் என்று பல லட்சம் தமிழர்கள் அதைக் கூறியே புகளிடக் கோரிக்கையை சமர்ப்பிப்பார்கள். மே 2009-க்கு பின்னர் புலிகள் அழித்தொழிக்கப்பட்டு விட்டதாக கூறியதன் பின்னர் தமிழர்கள் கனடாவில் தஞ்சம் கோருவது தீண்டத்தகாததாகி விட்டது.

சிறிலங்காவில் நடக்கும் நாளாந்தம் சம்பவங்களை மறைத்து அந்நாட்டிற்கு நற்பெயரை பெற்றுக்கொடுக்க வேண்டுமென்ற கொள்கையுடனோ என்னவோ கனடிய அதிகாரிகள் உண்மைக்கு புறம்பான புதிய கொள்கையை அமுல்படுத்தியுள்ளது.

கடந்த நவம்பர் மாதத்தில் 25 வயதுடைய ஈழத்தமிழ் வாலிபரின் அகதி மனுவை நிராகரித்தது கனேடிய குடிவரவு மற்றும் அகதிகள் சபை. குறித்த இளைஞருக்கு வழங்கப்பட்ட தீர்ப்பில் இச் சபையின் தீர்ப்பாளர் தெரிவித்துள்ளதாவது: “2010 நடுபகுதிக்குப் பின்னர் சிறிலங்காவில் சுமூக நிலை தோன்றிவிட்ட காரணத்தினால், அந்நாட்டுக்கு திருப்பி அனுப்பப்பட்டால் எவ்வித பாதுகாப்பு அச்சுறுத்தலும் இருக்காது.”

குறித்த இளைஞர் தனது மனுவில் தான் 2006-ஆம் ஆண்டு சிறிலங்கா இராணுவத்தினரால் பல தடவைகள் துன்புறுத்தப்பட்டதாகவும், தனது நண்பர் கொலை செய்யப்பட்டு விட்டதாகவும் கூறினார். சிறிலங்கா இராணுவத்தின் அட்டூழியங்களுக்கு பயந்து 2007-ஆம் ஆண்டு மலேசியா சென்று 2009-இல் கனடா வந்ததாக கூறியிருந்தார்.

மேற்குறிப்பிடப்பட்ட இளைஞருக்கு வழங்கப்பட்ட தீர்ப்பு பல மனித நேய அமைப்புக்களுக்கும், உண்மையாகவே அகதி விண்ணப்பம் செய்யும் மக்களுக்கு பேரதிர்ச்சியை அளித்துள்ளது. இந்த தீர்ப்பானது ஒரு முன்னோடித் தீர்ப்பாகவே முன்வைக்கப்பட்டு எதிர்காலத்தில் அகதி விண்ணப்பம் செய்ய இருக்கும் ஈழத்தமிழர்களுக்கும் இதே மாதிரியான தீர்ப்பையே வழங்க சாத்தியம் உள்ளது.

குறிப்பாக 2009-ஆம் ஆண்டு கனடா வந்தடைந்த 76 ஈழத்தமிழர்களின் அகதி விசாரணை இன்னும் நிலுவையிலையே இருக்கிறது. இதைப்போலவே கடந்த வருடம் 492 ஈழத் தமிழர்களின் அகதி விண்ணப்பங்களும் நிலுவையிலேயே கிடக்கிறது. குறித்த இளைஞருக்கு கொடுக்கப்பட்ட தீர்ப்பே இரு கப்பலில் வந்தடைந்த அகதிகளுக்கும் அளிக்கப்படும் என்று கூறுகின்றனர் அகதிகள் விடயத்தில் அக்கறை கொண்ட குடிவரவு மற்றும் மனிதவுரிமை வழக்கறிஞர்கள்.

கடந்த வருடம் அளிக்கப்பட்ட தீர்ப்பே ஏனையோருக்கும் வழங்கப்படுமா?

குறித்த இளைஞருக்கு வழங்கப்பட்ட தீர்ப்பை உதாரணமாக வைத்து மற்றவர்களுக்கு அதே தீர்ப்பை வழங்க சாத்தியங்கள் அதிகம். அகதிகள் மற்றும் குடிவரவு சபையின் முன்னணி உறுப்பினரே இந்தத் தீர்ப்பை பிற விசாரணையாளர்களும் பின்பற்றுவது வரவேற்கத்தக்கது என்று கூறியிருப்பது நிச்சயம் பலருக்கு அதிர்ச்சியான தகவலே. கனேடிய அரசு குறித்த சபையின் மீது கொடுத்த அழுத்தத்தின் விளைவே இந்த தீர்ப்பு என்று கூறுகின்றனர் குடிவரவு சம்பந்தமான ஆய்வாளர்கள்.

எது எப்படியிருப்பினும், இந்த புதிய வழிகாட்டலை ஏற்க வேண்டுமென்ற கட்டாயம் அகதிகள் சபை விசாரணையாளர்களுக்கு இல்லை. ஆயினும் தேவைக்கேற்ப உறுதியான ஒரு மாதிரியுருவாக இந்த வழிகாட்டல் அமையலாம் என குடிவரவு மற்றும் அகதிகள் சபை கூறியுள்ளது. இந்தப் புதிய கொள்கை பின்பற்றப்படுமேயானால் இரு கப்பல்களில் வந்து அகதி மனுக்களை சமர்ப்பித்துள்ள ஈழத்தமிழருக்கும் இதே மாதிரியான தீர்ப்பே வழங்கப்படும் என்பதில் எவ்வித ஐயமும் இல்லை. இவர்களுக்கு வழங்கப்பட இருக்கும் தீர்ப்பு இன்றும் இழுபறி நிலையிலேயே உள்ளது.

இரு கப்பல்களிலும் வந்தடைந்த நூற்றுக்கும் அதிகமான ஈழத்தமிழர் இன்றும் தடுப்பு முகாம்களிலேயே வைக்கப்பட்டுள்ளனர். கனேடிய அரசும் 46 பிரிவை புதிதாக உருவாக்கி பாராளுமன்றத்தில் சமர்ப்பித்து சட்ட அமுலாக்களுக்காக காத்து இருக்கிறது. பிரதான இரு எதிர்க்கட்சிகளும் இந்தச் சட்ட அமுலாக்கலுக்கு கடும் எதிர்ப்பை தெரிவித்திருக்கிறார்கள். இப்படியாக பல வேலைகளை அகதிகளுக்கு எதிரான கொள்கையுடைய சட்டங்களை கொண்டுவந்து கனடாவுக்கு அகதிகளாக வரும் மக்கள் மீது கடும் நடவடிக்கை எடுக்க உத்தேசித்துள்ளது பிரதமர் ஸ்டீபன் ஹார்பர் தலைமையிலான அரசு.

கடந்த வருடம் அளிக்கப்பட்ட குறித்த தீர்ப்பை எதிர்த்து தகுந்த நடவடிக்கையை எடுப்பதனூடாக எதிர்காலத்தில் அளிக்கப்பட இருக்கும் தீர்ப்புக்களை தடுத்து நிறுத்த இருக்கும் ஒரே வழி.

யார் சொன்னது சிறிலங்கா பாதுகாப்பான நாடென்று?

தமிழர்களை காப்பாற்றி விட்டோம், பயங்கரவாதத்தை ஒழித்து விட்டோம் என்று சர்வதேசத்தை ஏமாற்றியவாறு ஈழத்தமிழர் மீது கொலைவெறித் தாக்குதல்களை சிறிலங்கா அரசு மீண்டும் கட்டவிழ்த்து விட்டுள்ளது. முழுமையான பத்திரிகை தணிக்கை மூலம் தனது அட்டூழியங்கள் வெளியில் தெரியாதவாறும் பார்த்துக் கொண்டுள்ளது. கொலை, கடத்தல், பாலியல் வல்லுறவு, காணாமல் போதல் என எம்முறவுகள் செய்வதறியாது திக்கித்து நிற்கின்றனர்.

சட்டம்-ஒழுங்கு ஈழத்தில் தொடர்ந்தும் நிலவுகிறது. அசம்பாவிதம் இல்லாத நாளே இல்லை என்கிற நிலை இன்று ஈழத்தில் நிலவுகிறது. யாழ் வளைகுடாவில் இடம்பெறும் சம்பவங்கள் மனதை நெகிள வைக்கின்றன. சுனாமி பேரலையில் கொல்லப்பட்ட மக்களுக்கு சடங்கு செய்து கொண்டிருந்த இந்து குருவையே கொன்றுவிட்டார்கள் அரச பயங்கரவாதிகள். இராணுவ சிப்பாய் ஒருவனின் துப்பாக்கியாலேயே இக்குரு கொலை செய்யப்பட்டுள்ளார்.

சிங்கள மொழியில் சிறிலங்காவின் தேசிய கீதத்தை பாட அனுமதிக்க முடியாதென்ற ஒரு கல்வியதிகாரியையே பட்டப்பகலில் சுட்டுக்கொன்றார்கள் சண்டாளியர்கள்.

இந்தியாவின் அருவருடியாக இருக்கும் அமைச்சர் டக்ளஸ் தேவானந்தாவின் ஈபிடிபியினர் செய்யும் அடாவடித்தனத்தை குறிப்பாக மணல்களை திருடி கோடிக்கணக்கில் சம்பாதிப்பதாக புகார் கூறிய சுற்றுச்சூழல் அறிஞர் படுகொலை செய்யப்பட்டார். இப்படியாக பல படுகொலைகள் நாளாந்தம் நடைபெற்றுக்கொண்டே இருக்கிறது.

யாழ் அரசாங்க அதிபர் இமெல்டா சுகுமாரிடம் இவற்றை கூறி நியாயம் கேட்டபோது அவர் கூறியதாவது: “காவல் துறையினரிடம் வழங்கப்பட்டிருக்கும் தற்போதைய சட்டம்-ஒழுங்கு பொறுப்பை முழுவதையுமே இராணுவத்திடம் வழங்குவதன் மூலமாகவே குறித்த அராஜகங்களை நிறுத்த முடியும்."

காவல்துறை அதிகாரிகள் யாழ் மக்களிடம் கூறுகையில்: “கதவுகளை திறந்துவிடாமல் எங்கேயாவது செல்லவும்",

“தனியாக ஒருபோதும் பயணிக்க வேண்டாம்", “தங்கங்களை அணிவதை தவிர்க்கவும்",

“வெள்ளை வான்களின் நடமாட்டம் அதிகரித்திருப்பதனால் மிகவும் எச்சரிக்கையாக இருக்கவும்",

“சந்தேகத்திற்கிடமான வாகனங்களை பார்த்தால் உடனே குறித்த வாகன தகவல்களை பதிவு செய்து கொள்ளவும்",

“குழந்தைகளை தனியாக பாடசாலைகளுக்கு அனுப்ப வேண்டாம்",

“வீடுகளில் வைக்கபட்டிருக்கும் பெறுமதியான பொருட்களின் மீது பெயர் விபரங்களை எழுதி வைக்கவும்",

“தனியாக யார் இருக்கும் போதும் கதவுகளை பூட்டி வைப்பதுடன் இரவு நேரங்களில் யாரேனும் கதவைத் தட்டினால் திறக்க வேண்டாம்",

“சுய தொழில் செய்வோர் தமது காரியாலயங்களில் குறைந்தது ஒருவரையாவது முழுநேரமாக பணிக்கு அமர்த்த வேண்டும்",

“ஒருவர் காரியாலயங்களில் இருந்தாலும் வெளியில் வெளிச்சத்தை போட வேண்டும்",

“மக்கள்தான் தமது பாதுகாப்பை உறுதிப்படுத்திக் கொள்ள வேண்டும”;இ

“பிடிபடும் குற்றவாளிகளை காவல்துறையினரிடத்திலோ அல்லது கிராம சேவையாளர்களின் அலுவலகங்களிலையோ ஒப்படைக்க வேண்டும்."

மேற்குறிப்பிடப்பட்டவைகளே போதும் ஈழத்தில் சட்டம்-ஒழுங்கு என்ன நிலையில் இருக்கிறது என்பதை உலகறியச் செய்ய. உலகநாடுகளும் அறிந்தும் அறியாமல் இருக்கிறது. கொழும்பில் இருக்கும் கனேடிய உயர்ஸ்தானிகர் ஈழப் பகுதிகளுக்கு பல தடைவைகள் சென்று வருகின்றார். யாழ் மற்றும் ஈழத்தின் பிற பகுதிகளில் இடம்பெறும் சம்பவங்களை கேட்குமளவு இவருக்கு நேரமிருந்தாலும், இவரை பாதுகாப்பாக அழைத்துச் செல்லும் இராணுவத்தினர் விடமாட்டார்கள் போலும்.

மே 2009 யுத்தம் முடிவுக்கு வந்ததென்று சிங்கள அரசு சொன்னாலும், தமிழர்களுக்கு எதிராக ஏவப்பட்ட யுத்தம் இன்னும் முடிவுக்கு வரவில்லை. தமிழருக்கு அரசியல் தீர்வை வழங்கி அவர்கள் தமது தாயகத்தில் மானத்துடனும் மரியாதையுடனும் வாழும் நிலை வந்த பின்னர்தான் தமிழர் மீது ஏவப்பட்டிருக்கும் போர் முடியும்.

சிங்கள ஆக்கிரமிப்பு படைகள் ஈழத்தில் தரித்து நிற்கும் வரை ஈழத்தமிழருக்கு பாதுகாப்பே இல்லை. இதை உலகநாடுகளிடம் குறிப்பாக கனடா போன்ற நாடுகளிடம் எடுத்துரைப்பதன் மூலமாகத்தான் ஈழத்தமிழருக்கு எதிராக இந்நாடுகளினால் எடுக்கப்படும் நடவடிக்கைகளை நிறுத்த முடியும்.

nithiskumaaran@yahoo.com


நட்பு இல்லாத வாழ்க்கை சூரியன் இல்லாத வானம் போன்றது.
avatar
நண்பன்
தலைமை நடத்துனர்

பதிவுகள்:- : 93878
மதிப்பீடுகள் : 5481

Back to top Go down

Sticky Re: சிறிலங்காவில் தமிழருக்கு ஆபத்து இல்லை! கனடாவின் புதிய கொள்கை - அனலை நிதிஸ் ச. குமாரன்

Post by ஹனி on Sat 15 Jan 2011 - 19:43

:silent:
avatar
ஹனி
சிறப்புப்பதிவாளர்

பதிவுகள்:- : 2293
மதிப்பீடுகள் : 66

Back to top Go down

Back to top


 
Permissions in this forum:
You cannot reply to topics in this forum